【訪 問】
飲食分享平台Openrice有勁敵！美國過江龍的商店消費分享平台Yelp，於今日推出香港版平台。Yelp新興市場總裁Miriam Warren表示Yelp與Openrice路線不相近，亦無懼對手的競爭，「我哋提供唔止有餐廳嘅資訊同飲食分享，仲有例如：購物、專業服務，或者最近有咩展覽等等嘅生活資訊評論網站」。她認為Yelp的強項在於設有包括繁體中文在內的16種不同語言，「喺巴黎用法文都可以睇到香港平台嘅資訊」，方便旅客。
記者：郭曉琳
目前，Yelp在全球29個國家或地區設有平台，香港為亞洲區第三個進軍的市場。Miriam透露，早前向第三方購入數據庫，故今天推出的香港版已有一定數量的商店資訊提供。「推出之前我哋搵咗數十人做Scout（搜索員），佢哋已經寫咗一啲評論同分享資訊，今日見到嘅香港版唔會係空白乜都冇。」她未有透露以何種形式聘用Scout，僅表示香港版正式推出後，Scout亦不會再繼續服務。
頭幾年不會賣廣告
Yelp於2012年在美國上市，但上市至今年第二季才有盈餘。Miriam表示公司仍在擴張之中，強調新興市場在頭幾年不會賣廣告。「目前有賣廣告嘅係歐美等地區，好似日本、香港啱啱推出嘅地方，會集中做好個內容先」。Yelp賣廣告的方式與Openrice相似，若用戶在搜尋資訊時，Yelp會提供相關類別的廣告客戶資訊在排行首位，形式類似Openrice的贊助餐廳。
商戶用戶多互動
與facebook玩法相似，Yelp的會員亦可加其他會員為朋友，互相通訊，商戶亦可以私密訊息聯繫撰寫評論的用戶。「商戶可以透過平台多謝或者回應會員嘅意見」。Miriam指出，Yelp強調會員實名登記，「我哋確保唔到真確性，但鼓勵用戶以真實身份註冊。」被問到如何避免平台出現「打手」，她指Yelp設有軟件系統篩選用戶評論，「軟件較推薦嘅評論會排係前啲嘅位置」。至於本地商戶亦可免費利用商戶專用賬戶提供商店資訊或優惠，「我哋亦會舉辦活動畀會員參加，鼓勵大家分享資訊」。