前曼聯領隊費格遜（前排左三）除咗教波叻之外，打高爾夫球亦有一手，仲喺萊德盃開波之前贈咗歐洲隊幾句㖭。
今屆萊德盃由禮拜五起，一連3日喺費格遜嘅家鄉蘇格蘭開打，舊年夏天正式退休嘅費Sir本身超鍾意打高球，梗係有嚟捧場。禮拜二佢就去咗同歐洲隊打氣，仲同歐洲隊隊長麥堅尼分享打高球嘅心得。麥堅尼話：「我識咗費Sir成15年，我做咗萊德盃嘅歐洲隊隊長後，我都有請教過佢，問吓佢意見。佢真係好鍾意打高球，而且係個非常成功嘅領隊，所以搵佢教路最適合不過。」歐洲隊有費Sir呢個星級軍師，睇吓可唔可以擊敗美國隊而成功衞冕啦。
另外，歐洲隊隊員之一嘅北愛爾球手麥艾萊（前排左一）日前接受訪問時笑言，若然唔係喺高球界咁成功，肯定媾唔到女，而且可能仲未破處㖭。佢咁講可能有啲誇張，但如果佢唔係咁出名，現任模特兒女友莎莎同前度網球手女友禾絲妮雅琪，九成九唔會吼佢囉。
識睇，一定係睇足英台【英波Live】：
http://soccer.appledaily.com
http://bit.ly/engballlive