【本報訊】中學生罷課引來不少反對聲音，有人直斥他們是被唆擺的「紅衞兵」，荃葵聯校政改關注組代表蘇嘉熙（圖）一笑置之，「學生如果咁容易被煽動，咁8.17反佔中遊行，應該全部學生出晒嚟啦」。嘉熙是中四生，卻已參加社運一年多，切身體會政府無視民意，人大落閘方案更是狠狠摑港人一巴掌，「爭取真普選唔係一朝一夕，𠵱家未必推翻到，但都要堅持去做」。
他說，倒退的政改方案完全不能接受，「一定要企出嚟」，周融設立的「恐怖熱線」，堅定了他的決心。學校風氣開放，只要是事實便不避忌，「唔會好似其他學校咁，隻字不提六四」。今次罷課，校方貫徹作風，只要交家長信便不處分。他們在校門外派傳單，由一開始只得一兩個同學理會，逐漸喚起關注，「有啲同學唔係支持建制，只係政治冷感，乜都唔知，講番畀佢知發生乜嘢事，佢哋會理解」。
嘉熙的家人最初不支持他罷課，「覺得抗爭冇用」。但他相信努力不懈便有曙光，向家人承諾不會過激。