自由黨青年團噚日請嚟「蘭桂坊之父」盛智文喺佢主場蘭桂坊齊齊happy hour！最近突然俾狼英飛走，冇得做海洋公園主席嘅盛智文話呀，當年時任特首董建華苦苦相求，打咗六次電話問佢肯唔肯做海洋公園主席；最初因為未搞過主題公園有保留，後來去海洋公園睇過後覺得好正先答應。佢話董伯伯當年話冇乜可以信賴嘅人勝任，自覺當日若say no，或者就會搵咗惹上官非嘅肥龍許仕仁做喎！
盛智文一直對被飛耿耿於懷，佢話如果政府唔係咁遲先通知會更好囉。問到狼英係咪一個好嘅政治人物，佢搞笑話因為有記者在場唔方便講，但相信狼英「正在學習」喎。