趙頌茹前晚被周永恒上門騷擾，好友可嵐昨在電話說：「我有問候阿Yu，希望佢哋以和為貴，Roy要面對自己情緒，點解佢要做出咁激行為？我覺得佢好愛阿Yu，只係同佢鬥氣，攻擊傷害對方得到注意力，呢個時候阿Yu要堅強，心情平和照顧兩個女。」
張致恒身為兩人女兒的契爺，他表示會問候阿Yu：「我只可以幫Roy祈禱，其他嘢冇人幫到佢，因為佢嘅生命要自己實踐，建設嘅係佢，破壞嘅又係佢，好希望佢有一個好嘅人生，兩夫婦好難得走埋一齊，唔好再有新聞出現，想佢為兩個女着想，兩個女好無辜， 大個唔知點面對。」對於有指Roy行徑有損教會名聲，而與Roy、阿Yu同為教友的鍾舒漫，昨在鑽石山出席活動時表示：「的確令藝人教友名聲有動搖，但人始終會有軟弱跌倒時候。」
採訪：皓騫