近呢兩個禮拜，各位都忙於炒賣iPhone 6以及大芒版Plus，除了價位的升升跌跌，又邊有時間理會身邊的事情。但講到炒，早前炒賣過萬的Casio自拍神器，又有新型號推出了!
此機名為TR50，外觀明顯延續上幾代的360度翻芒以及拉出手柄等設計。當然，新元素也不少，例如外殼上採用凹凸菱形花紋的技術，而鏡頭周圍更玩上如鑽石般的砌割裝飾，感覺比以往更高貴。至於功能就升級為1/1.7吋背照式CMOS感光元件，還加上美顏模式Plus及智能美顏包圍式曝光，連黑夜都可以影到鬼火咁靚，問你怕未!
不過價錢真係嚇你一跳，定價高達$9,980，比起iPhone 6 Plus 128GB版仲要貴接近兩千蚊。至於炒唔炒得起，暫至還未知，但看見這個「天文數字」，對於強國用家來說，或許沒甚麼大不了吧!
記者：陳國輝