【抗命時代 大罷課】
【本報訊】佔中勇士早前剃頭明志，出現了一張年輕的臉。17歲，理應是打波唱K睇戲的大好年華，他卻放棄娛樂，寧抗命爭取真普選。為民主，他甘心捨棄三千煩惱絲，喜獲學校開明師長無聲支持；與家人約法三章不做犯法事，答應佔中推手陳健民不坐下佔領，惟有參與罷課據理力爭，「學習當然重要，但爭取民主公義必須有犧牲，冇嘢係不勞而獲。場仗冇可能一朝一夕打得完，我哋只係未贏，唔係輸」！
記者：馬志剛 朱雋穎 袁樂婷 謝明明
黃梓維（Alvin）是中六學生，也是校內政改關注組成員。月初佔中勇士剃頭，他是即場落髮的唯一中學生，「今日冇頭髮，聽日就冇尊嚴，最後冇自由，無法無天」。他說，同學間以往不太理會社會時事，形容他們是「7.1維穩騷照去排隊買飛」那種，但自他剃頭以後，喚起了同學關注人大政改決定，然後討論，「成效幾好」。
「年輕一代睇唔到未來」
校長開明，Alvin剃頭前用Whatsapp告知校長自己即將剃頭明志，「校長話，你剃啦，我尊重你自由，不過你問問訓導主任，剃成點先唔犯校規。訓導就話總之平均啲，唔好剃到一忽忽咁就得……返到去都係望一望我，笑一笑，點一點頭咁」。他就讀佛教善德英文中學，校長正是早前公開批評反佔中大聯盟設「舉報熱線」，類近文革式批鬥的何滿添。
罷課在即，來年「上陣」考DSE的他也明言支持，並答應家人做好時間分配，兼顧抗命和學業，「學業唔會喺一日內學到好多嘢，影響好細。發起罷課有人會問點解，我哋就會回應，呢個就係公民覺醒嘅過程，甚至可以改變一啲唔公義嘅決定同制度。佔中亦如是。如香港人仍然唔覺醒，我哋就真係失敗喇。」
他不會直接參與佔中，源於對家人的「不犯法」承諾，也答應了陳健民教授「唔坐落地」。他選擇用一部相機、一本簿和一支筆，將佔中者的意見一一記錄，經網絡擴散開去。是否縮沙？「唔係，佔中過後未必會有民主，如果佔中已經將所有資源投放落去，過後仲有咩本錢繼續爭取民主」？他說未來想從事法律工作，冀日後能藉此發揮更大影響力，「呢一行對抗爭路持開放態度，直接影響（前途）應該唔大」。
對於香港現況，Alvin坦言持悲觀態度，但不會消極，「你繼續唱K、Shopping，我哋仍然會企出嚟宣揚民主同公義。」他質疑不問世事的港人，是否忽略了政治的重要性：「無論點辛苦點努力向上爬，一個政策就可以將你變番做地底泥。仲相信可以成功白手興家、創造財富？已經冇可能！獅子山精神不再存在，就係因為大家都怕政治。」