【壹週刊】行商場梗係想買衫、買鞋，點之行行吓，一轉角見到有間舖，放咗兩對紙扎童男童女公仔。咦！仲有幾張死人「車頭相」，同幾個骨灰罌。嘩！龍婆開嫁？不過七月十四過咗，唔通係哈囉喂嘅搞作，你都咪話唔驚。
呢 個驚嚇商場，係深水埗地鐵出口個深之都，平時個場以經好靜，行到上三樓鬼影都唔多見，呢間嚇人舖頭又係正最篤篤位，佈置到靈堂一樣，門口雖然落左閘，但鋪 頭用落地玻璃，可以清楚可見到內面放了兩對一米高嘅紙扎公仔，路過一定會同呢兩位四目雙投，舖內層架上放了三、四個骨灰罌，店內烏燈黑火，氣氛恐怖，無心 理準備就唔好去啦。
問附近店舖知唔知呢間嘢搞邊科，除咗有人答得出「靈堂」已經擺咗三年之外，其他一概無人知，更添神秘感，隔籬舖阿姐就 話：「之前佢有塊布遮住既，望唔到入面，但最近就唔知點解無左，我賣嘢都會先同啲客講聲，我後面係間紙扎舖嚟架，費是啦！以免佢們上嚟之前無心理準備。」 一個正在逛商場的男士更在「靈堂」外駐足觀看，他搭嘴說，「呢個商場我嚟咗好多次，但就第一次經過呢間舖，我怕其他人會驚，我自己就不驚，如果唔係我就唔 企係到睇咁耐啦。其實好奇怪，如果你說係拜祭先人都會搵一個隱蔽少少的地方。如果有心做骨灰盦都會搵嘢擋一擋，唔好打擾先人安寧啦。」
不過亦有上咗年紀嘅商戶話無有怕：「無野丫，呢啲傳統嘢唔恐怖，下面買四面佛養鬼仔咪仲恐怖，你唔去睇睇？」
細心再睇，原來「靈堂」內有一塊「添福殯儀」的招牌，記者於是到旺角添福殯儀查問，負責人王太否認有關：「我哋都知道，亦有去過現場拍照，但真係唔知點追究。」而舖位的業主報住地址亦是呢個舖，想搵人了解真相都無辦法。
跟據現時有關部門規定，如果要開設私人龕場，手續十分繁複，必須符合城規、土地契約、建築物安全、消防安全、環境衛生及環境保護等條例的規定，睇呢深之都呢個「靈堂」之迷，只有設靈的人才會知道啦！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/