大專生罷課抗議人大落閘，身為大人嘅，梗係要支持。前政務司司長陳方安生對於大專生為香港普選而犧牲上堂時間都好感動，噚日響應咗全城一人一張學生照撐罷課學生運動，貼咗一張當年喺嘉諾撒聖心嘅學生少女照。
唔少人睇到都話，陳太嘅花樣年華其實同𠵱家冇乜分別，都係斯斯文文咁，當年有啲baby fat，查實幾得意，最明顯係佢嘅招牌酒凹，原來童年現在一般可愛。除咗陳太之外，公民黨毛孟靜亦身體力行貼相撐學生。呢幾日都有去添馬公園嘅「公民課堂」聲援罷課學生嘅Miss Mo留言話呀，「我們都曾是學生。撐罷課！」
