【本報訊】今月中旬，開學不久，學生以紅巾蒙眼讀出罷課宣言，Leslie（圖）是其中一員。她說，就讀的學校算開明，容許師生在集會上談論政改，可惜對牛彈琴，不少學生只顧低頭玩電話、發呆甚至睡覺。她希望成為榜樣，「中學生有義務參與公民抗命，唔係淨係識死讀書」。她堅拒「袋住先」人大方案，「畀八両金你嫁住先，話之後再搵個靚仔畀你，但嫁完原來唔可以離婚，咁點算」？
「有啲同學聽過人大落閘，但你問佢係乜嘢嚟，佢唔知道」。Leslie與同學在校內成立政改關注組，派黃絲帶、派傳單，更創作四格漫畫和短片，盡力讓同學明白更多。包括她在內，目前僅有五位同學決意參與罷課，她說已不俗，「未必個個有勇氣企出嚟，但起碼令佢哋開始討論，點解身邊呢個同學會罷課，為咗乜嘢犧牲，唔再不聞不問」。
學校的支持令Leslie感驚喜，校方表明尊重師生作為公民的自由和選擇，不會干預或懲罰罷課學生，更考慮安排老師與學生同行。