近日大家的話題都在iPhone 6身上，有手機店老闆稱，前晚拿十多部iPhone 6到華強北放售，已經無咩肉食，他透露，今次iPhone 6完全炒唔起，「聞說先達一批行家，因為之前高價入貨，單就4.7吋都要蝕六十個(六十萬)，如果這兩天不能甩手，場內隨時無人敢收機。」
他更指先達部分店舖，已講明唔收iPhone 6，場內已聞到燶味，「去過華強北便知，大陸唔係部部收，收機標準好煩，例如16GB 4.7吋版多數唔收黑色，就算收都平幾百人仔，有港師奶亦手抱十多部機加入戰團，預計未來網絡及零售商的行貨殺到，大市會更難回升，九月仲有肉食，十月就相當難料。」他建議，如果有太多單在手，應該cut少少，一兩部自用，有現貨就應該要減持。
記者：童傑