被譽為「棟篤笑始祖」嘅黃子華，下個月就舉行11場《唔黐線唔正常》棟篤笑，門券一日火速售罄，搶手到有錢都未必買到；你就買唔到啫，但Do姐鄭裕玲就手持成千張飛，皆因黃子華無限quota，任佢掃！
棟篤笑門券都有得內部認購，不過一樣有限額，訂得太多仲分分鐘俾人cut飛；能夠有無限quota任攞飛，要幾多有幾多嘅，相信就只有DoDo姐。據知每次子華開騷，Do姐都會撐場，自己睇、幫人訂同請人睇都有，而對於Do姐咁捧場，子華都相當識做，留定啲靚位俾對方。
DoDo姐有特別優待？咁就梗係唔使講啦！兩人00年合拍《男親女愛》而傳出緋聞，雖然緋聞係假，但14年友情就珍珠都冇咁真，所以基本上Do姐一開聲，子華都唔會托手肘。
《壹》仔星期日見到黃子華，問到Do姐狂掃成千張飛，佢就笑晒咁話：「阿DoDo開聲，我就點都要做到嘅。」問到Do姐係咪得到特別優待，佢就話自己盡量滿足大家需要喎！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android