【本報訊】關信基對上一次公開演講，已經是4年前的事。逾萬名大專生發起罷課，這名中大政治與行政學系退休講座教授獲邀義教，義不容辭，也沒期望有多少學生出席，「3個人嚟聽我都會講」，因為教學是他第二生命。備課一周，這一課叫「現實與理想」，是導言也是結語，「人生係一個現實與理想對話嘅旅程，到你死嗰日，都會碰到好多抉擇」。
「每個人都有道德責任」
他說理想的根源，就是哲學家康德所言，一個社會發展，最重要是追求永久和平，每個人都有道德責任。在現實制度下，通常既得利益者強勢，不願意改變現狀；站在邊緣的人民，則發現現實不符合時代需要，「就憑理想去呼喊，我哋要改」。
他說二戰前後歐洲各國打破隔閡，逐步建立一個融合各國社會、經濟和政治的制度，在現實中追求理想的和平，他說至此一度哽咽，「比起我哋今日嘅一國兩制高得多，成熟得多，係好偉大嘅人類社會、政治、歷史嘅創舉。來源係乜？係精神，現實係好艱難」。中學界本周五接力罷課，對於有指中學生受人誤導、擺佈，關信基不苟同，並反問：「成年人做嘅嘢，有冇受人擺佈呢？點解成年人一定比中學生腦筋好、自主性強？呢啲真係為批評而批評，為打擊而打擊」。