亞視收視不濟，近年卻經常傳出賣盤，但揸弗人王征每次都否認，無綫前主播李燦榮前晚突然在facebook爆料：「可靠消息：ATV已經賣咗，等緊審批。」看到網友留言，李燦榮畀貼士：「呢個人姓名有木，但唔係我。」姓楊、姓林和姓李都與木有關，記者前晚求證亞視高層葉家寶，他回覆：「未聞此事。」英皇也否認老闆楊受成買亞視，亞視第一大股東、王征遠房親戚黃炳均昨短訊回應：「是流料。」亞視前高層盛品儒昨同一口徑指是流料。
「如果真加人工啦」
雖然亞視賣盤未成事，可是消息傳出，亞視現有旗下藝人卻非常興奮，亞姐張家瑩昨電話中說：「我入亞視到𠵱家都轉過老闆，去到現階段，如果可以令公司發展更好，更多資源投入，我作為員工會好支持。」劉錫賢昨也說：「係嘅絕對開心，最重要係多咗製作，不過，我都會去了解清楚先。」
袁潔儀昨邀得亞視前台柱林建明（大姐明）做節目《我愛下午茶》訪問，對亞視傳賣盤，袁潔儀說：「係就好喇，我冇聽到，係真係假都唔輪到我哋認證。唔影響到我現有工作，有多啲資源支持，仲可開更多節目。」林建明則說：「都係正面嘅，一定係新朝氣，新創意、新諗頭。如果真係，加人工啦。」亞視助理副總裁冼偉智昨也說：「好多人都打嚟問，真係冇聽過。」
潘志文：新景象
亞視前藝人潘志文昨到新城接受訪問，他曾見證過亞視變遷起跌，潘志文說：「未必唔係好事，唔知下一個投資者係邊位。正所謂物極必反，衰到貼地時，一定有新嘅景象，始終有人搞，呢位老細唔鍾意拍劇，可能之後老細拍呢。」
採訪：溫敏芝、馬建華、劉敏