向來好喜歡體驗香港文化嘅美國駐港總領事夏千福，噚日接受樹仁大學新聞與傳播學系邀請，同學生開talk兼對談。
可惜千福BB噚日突然變得好低調，全程不設記者採訪，出入學校期間亦唔答問題，只讚樹仁係好學校。
向來都會開放對談環節畀記者採訪嘅系主任梁天偉，噚日同八方話唔好意思，透露三個月前開始搵夏千福講talk，最終對方8月先覆，除咗將原來題目「新聞與政治」改成「美國領事館簡述」，亦將平時兩個鐘演講縮短成一個鐘連答問，更要求學校唔好按慣例，將對答環節錄音放上網，此舉令梁天偉都頴爆頭，笑言唔通千福BB俾左報同大陸鬧得多驚咗？