【本報訊】中學生發動罷課不容易，何況更要面對校內「建制二代」勢力。大埔英中迦密柏雨中學政改關注組發起人麥同學表示，校內有數名同學親建制，當中有人家長是左派區議員，因此理解校方不容許在校內罷課。慶幸校方也沒有禁止學生到政府總部參加罷課，並且只需家長簽手冊便可。
在迦密柏雨讀中四的麥同學表示，關注組有10名成員，讀中二至中四。他表示，個多星期前與校長討論罷課事宜，校方稱保持中立，不支持也不反對罷課，學生如要參加罷課行動，只需在手冊事假欄中註明，再由家長簽名便可，「喺呢間學校讀咗咁多年，校風比較保守，今次咁安排比較開明」。
校門擋住政治？麥同學指校內早有建制勢力，影響推動罷課，「阻力只係限於某些學生家長，或是某幾個學生立場對我哋嘅壓力。可能某幾個學生成長（環境）比較同中共有聯繫，或者叫親政府少少。（他們）比較支持政府施政，對我哋比較反感」。其中一名高中生，家長是左派政黨的大埔區議員。
不准學生校內搞抗爭
基於上述情況，麥指校方不准學生在校內罷課，「因為始終唔知部份同學立場，或者可能親政府，或者比較激進，如果校內罷課可能會引起衝突，學校唔想見到。所以學生如果要做啲政治活動，盡量喺校外，校內盡量保持政治中立」。
前年的洗腦國民教育風波，迫使麥同學站出來為中學生發聲，這次他再呼籲中學生響應罷課，「中學返學時間有五年幾六年，罷課只係攞咗你其中兩至三日，但呢兩至三日所聚集到嘅力量，係會比你想像中更大」。
他指罷課未必能令中央改變，不過：「香港咁多間中學都有學生出嚟，挺身參與社會運動，點解咁多大人仲要喺沉默中迴避件事？係咪覺得可以任由中共落閘、中共畀所謂普選方案拖我哋呢？」他反對「袋住先」，否則是怯懦．他以結婚作比喻，「同娶老婆一樣，唔係娶住先，一娶就冇得返轉頭」。