【壹週刊】最近，有業主係網上登廣告，話只要二千八百蚊，就可以租住長實元朗尚城獨立屋既房間。嘩，二千八蚊，可以住到獨立屋喎，不但地址靚、又可以享用埋屋苑會所。「撻住址」溝女，無難度！記者即時相約睇樓，原來呢間房，只係一間工人房，間房連埋窗台只得三十呎，只擺得落張單人床，即係話一入房已經係上床，想放個衣櫃都免問，其他雜物只可以放係窗台上面。房間活動空間真係無乜，但廚廁同地下既客廳就可任用，獨立屋仲要有個花園，用來種下野、BBQ都無問題。業主劉先生話大把人睇樓。
以為劉生好賺錢，實情佢一臉苦水。他於一一年用一千萬買入呢個單位，當時諗住可以用五萬蚊租出去，點知劈到二萬五都無人租。佢唯有度橋，將屋內五間房分拆出租，夾埋租金收入都係兩萬蚊，回報兩釐，他說：「我都想成棟出租，但無人問津。其他租曬出去啦。」
iPhone版下載： http://goo.gl/1SDaWF
Android版下載： http://goo.gl/xfQS8D