滬港通幾時開車仍係一個謎，但港交所（388）行政總裁李小加已經急不及待向散戶推銷A股。港交所噚日跟投資者教育中心舉行第一場「滬港通投資教育講座」，李小加致辭時竟然話「大家無事做，就隨便搞1,000股（A股），好好感受、試試一下（大陸股市）操作習慣」。
佢叫大家試玩就真係講得輕鬆，投資者要自負風險㗎。佢講明，如果是但一邊股市有上市公司出事，好似內幕交易，造市等，香港證監會未必幫到手。佢以去餐館食飯做比喻，「上餐館食飯，菜未必好食，但要保證乾淨，出了問題要負責任；但我們賣對面餐館的菜，不是我們做的，出了問題我們零負責」。
「滬港通投資教育講座」共有三場，噚日頭炮晚上7點至9點，吸引咗大約300人入場，大部份係西裝友。
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral