【本報訊】中央以國家安全為由，死撐以提委會篩選有理，訪京富豪為人大護航，全國政協常委兼星島集團主席何柱國竟聲言，人大落閘是慎防有外國間諜當上特首。
吳光正稱中央有誠意
何柱國昨被問及罷課問題時稱，學生比較年輕及衝動，若能深入思考政治問題，會了解普選特首必須考慮到國家安全，反叫學生思考：「為何公民提名，世界上係沒有標準？第二件事，佢哋（學生）應該（對）呢個政治問題，諗得深層點……（只要是永久居民）不管係中、西外籍人士都可以（參選特首），香港今日回歸17年，會唔會中間有啲國家諗得深詳啲，放一個間諜喺呢度、（放）無間道喺呢度」，直指此舉對中國來說是一個衝擊。
同樣身在北京的新世界集團主席鄭家純亦死撐人大落閘，昨被傳媒問及2017年普選會否是假普選時反問：「點會係假普選啫？因為你樣樣嘢，做某一樣嘢，都唔可以一步到位，循序漸進行出第一步，然後有第二、第三步……你唔可以話一出嚟就一人一票，冇控制，咁你點得？」
身為全國政協常委的九倉集團主席吳光正則稱人大的政改決定，以香港長期繁榮及各方利益為考慮，顯示中央有誠意推動政改，值得支持。他強調此舉不等同「袋住先」，反指部份人拒絕接受決定的論據不強，又指港人以前無權選特首，故不應輕易放棄2017年普選特首。
【動LIVE】萬人罷課 蘋果全程直播：
和平佔中： http://occupycentral.appledaily.com
YouTube： http://bit.ly/occupycentral