上星期先講完「翻嗒」，點之呢個周末，就驚爆「鋒菲世紀翻撻」。查實「王芝鋒」呢段愛情三角錯，菲菲由讀書追到而家，今次希望「鋒菲」可為故事來個happy ending。硬tag番去股票，今日推介滙銀家電（1280）。於8月一浪贏錢嘅散戶，應該還留住笑着離開的神態。股價近日回吐，造就低吸良機。
滙銀家電早前先後公佈喺江蘇省、安徽省銷售彩票業務，並且正爭取成為上海、廣東等地的彩票代理，彩票業明顯是爆發點。
咁呢瓣掂唔掂呢？首先公司本身於內地已有銷售網絡，開新業務成本已低過人，仲可以搞「買電器送彩票」呢啲綽頭嘢。大家有幾可聽到開賭個莊會輸錢？只要網絡夠大，基本上係贏硬。
另外，中國財政部之前宣佈，調高體育彩票獎金比例至73%，一來吸引更多人玩，二來證明行業有國策支持，前景亮麗。
雖然sure win的新業務未反映於盤數，但公司本業亦見底，上半年成功扭虧，賺4,132.1萬人仔。假設未來一年本業盤數穩定增長，再加埋新彩業業務嘅貢獻，業績好難唔靚仔。
睇埋圖表，股價噚日大陽燭破旗，收報0.72元。這個調整完成訊號似無聲仿有聲。在技術分析支持下買入，只要是但一個消息成真，都夠活着viva！
Fifi
http://www.facebook.com/lovefrystock
本欄逢周二、四刊出