被公認為最難取消服務合約的有線電視，昨日發生一名男子疑因解約不遂，持刀闖入荃灣有線電視大廈，其間斬傷大廈保安員，最終被警察制服。曾經因搞了兩個月手續仍不能取消服務，最後出動了律師信的翁靜晶，昨日在電話上被問到此事，她說：「就算結婚幾慘痛，離婚都有一個既定程序，去解決呢段唔想要嘅婚姻；迷信啲講，鬼上身都可以搵驅魔人去解決，但係你纏上咗有線，真係成日都有條線，真係要剪呢條線，非常之難，唔知有乜嘢方法可以解決到！」她續說：「當日用盡晒任何方法，所有嘢都還番晒畀佢哋，好明顯冇辦法用佢哋啲服務，但係都話唔能夠解決，真係好沮喪，我理解到嗰個人沮喪，當然，用暴力解決係唔好。」
翁靜晶坦言覺得要解決這個問題，應該要有監管同清晰條文，才可以令戾氣減低，她說：「老實講，如果好嚟好去，將來有需要都會申請番，但𠵱家真係怕咗你，唔敢再申請。」當日代翁靜晶還機頂盒的司機林先生，亦說：「嗰陣我親身去還，確實晒所有嘢，點知又反口，真係好得人驚，我肯定唔會再申請，又唔係冇得選擇。」
趙哲妤：氣氛緊張
而昨日斬人事件發生時，趙哲妤與李潤庭同樣身在有線，當時正錄影《為食情報局》的趙哲妤說：「嗰陣錄錄吓有啲控制台嘅工作人員，好緊張通知我哋，要閂門，初時心情OK，但氣氛越嚟越緊張，加上又睇緊新聞台直播，可能係我哋喺4樓，嗰疑犯喺5樓梯間，朋友家人又打電話嚟問候，搞到我都有啲眼濕濕。」問到日常的保安是否鬆懈？她說：「唔係，平時要拍卡，有時保安認得開畀我，唔覺有漏洞。」至於有傳對方因終止服務問題逞兇，她則說：「有聽過，香港人壓力實在太大。」
採訪：張曦彤、馬建華
攝影：陳俊強
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral