【壹週刊】小王子主題公園入面，除咗空中暢遊之外，園內其他設施一樣咁好玩。
樂園佔地27公頃，細過香港迪士尼，原來樂園前身係一個荒廢咗嘅教育基地，而家保留原有嘅設施，既可以縮短施工時間，又可以符合故事中環保意念，比起大興土木更有意義。
除咗玩之外，樂園入面有幾個館，可以俾小朋友透過小遊戲體驗飛行及有關知識。好似呢個係體驗夜間飛行，另一個飛行遊戲教小朋友，配對不同地區及國家的生態、動物及名產。
小王子嘅原作者安東尼．聖修伯里係一位出色嘅飛行員，呢度有講述佢生平嘅展廳，入面有介紹全球著名冒險家故事嘅展板，當然唔少得各國嘅小王小譯本。
玩完仲可以去睇戲，樂園入面有3個影院，好似我唔識法文嘅朋友，可以揀睇呢套有英文版嘅3D電影，講小王子同狐狸拯救一個時間被停頓嘅國家，片長10分鐘，3D效果非常迫真，令人更加投入。
iPhone版下載：
http://goo.gl/1SDaWF
Android版下載：
http://goo.gl/xfQS8D