【本報訊】一對情侶先後簽訂舒適堡5年健身合約，上月結伴往健身期間，男友教女友正確健身姿勢時被職員指涉嫌「私教」，事後更取消他們的會籍，事主事後向消委會投訴，經介入後才獲全數退款。
Derek與未婚妻Viva先後各以15,160元簽約5年參加舒適堡會籍，當時合約並無訂明事主不可教導女方做運動。Derek憶述，上月27日下午與女友在舒適堡健身時，曾指導女友健身姿勢，其間有職員指他涉嫌「做freelance（私教）」，雙方發生爭拗，最終不歡而散。翌日，Derek獲舒適堡職員電話通知要終止其會籍，稍後按比例退款，令兩人大感不滿。
被指「私教」 投訴後獲退款
本報取得事主與客戶主任的對話錄音，女主任表明私教不分男女關係：「我哋公司唔允許私人教導他人做運動……無論你哋即將結婚或者已經結咗婚，公司都係唔允許進行私教動作。」Viva因不忿舒適堡做法，於是向消委會投訴，經半個月周旋，舒適堡答允全數退款。Viva指摘稱：「直情荒謬，唔通我男朋友見到我動作錯咗，有機會整傷，都唔可以提我？」
據事主展示舒適堡客戶及營運守則，條款從未列明「男友教女友健身」違反守則，但今次事件，舒適堡是引用「保留絕對權利就客戶任何違反行為取消其健身卡」條文。 記者月初以顧客身份到大埔舒適堡了解入會細則，女職員推銷時聲稱合約沒有男女朋友私教限制，「如果你男朋友會教你，你唔跟教練都冇所謂」，反映推銷員與職員說法前後矛盾，惟舒適堡發言人稱不會回應任何投訴。
市民意見
黃小姐：
「我冇可能俾教練掂我身體，教練教完男友再教我，咁都好正常，加上私教條例又冇喺當眼處列明，如果係我會覺得誣陷我。」
周先生（右）：
「大家都畀咗會費，朋友同朋友冇得教，唔通一個人戇居居去玩？我諗要睇吓佢私教點樣界定，公唔公平。」
【動LIVE】萬人罷課 蘋果全程直播：
和平佔中： http://occupycentral.appledaily.com
YouTube： http://bit.ly/occupycentral