「政改咪好似《少林足球》咁，球證又係佢嘅人，旁證又係佢嘅人，主辦單位、協辦單位都係佢嘅人……總之乜都控制晒！」足球雜誌編輯熊天欣與謝志勤，以波為喻論政改，諷「表面風光」的中共如皇馬，靠燒銀紙堆砌出「銀河艦隊」；泛民、佔中則是馬體會，經歷過瀕臨降班，勵精圖治終可以弱勝強。即使2017普選無望，他倆認為仍要長期抗爭：「你輸一場（波）唔係輸晒，世界盃四年一次，總有機會贏番！」
人大常委8月31日就香港政改連落三閘，9月3日出版的《熱血足球》，首頁刊登全版聲明「拒絕認命 反對落閘 還我真普選」。熊直言：「人哋睇我哋係足球雜誌，我哋睇自己係傳媒一分子，監察政府係傳媒應該做，何況近呢兩年越來越少傳媒夠膽咁做。」謝也笑言：「我哋唔係要一石激起千重浪，整番幾圈漣漪已經ok，盡番基本責任、基本嘢箒。」他們自言「蚊型雜誌」反而局限少，編輯室一致認同刊登聲明就去馬，未有太多顧慮。
「落得場踢要盡力」
二人大談足球政治學，分析當前政改形勢。謝以2005年歐聯決賽作例子，當時利物浦對AC米蘭，上半場利物浦輸3球，下半場追至平手，加時射12碼終反敗為勝，勉勵港人即使中共搬龍門、港府打假波，「你落得場踢起碼要盡自己一分力……認清形勢之後有乜虛位、弱點、漏洞，就去攻破佢！」
泛民被「㩒住打」，他們認定原因是群龍無首，沒有好領隊、教練及隊長，指昔日龍頭民主黨「俾人轟到爛晒」，佔中三子則半途出家，學民仔又未成氣候。熊再以利物浦為例，逾20年未嘗英超冠軍，近年換了領隊，才再慢慢「打上去」。問及周融在球賽中擔當哪個角色，謝笑言：「好難喺球場畀個角色佢喎……打假波發言人?!」
他們同聲促泛民議員否決假普選方案，最怕開壞先例，「否決咗大家都知冇普選，會繼續爭取，怕就係有啲人以為有喇，所以唔爭取，所有力量都化解晒，我相信𠵱家大陸正係想做呢樣嘢」。熊指港人此刻不企硬而「袋住先」，《基本法》23條肯定暢通無阻通過。
記者：陳雪玲
【動LIVE】萬人罷課 蘋果全程直播：
和平佔中： http://occupycentral.appledaily.com
YouTube： http://bit.ly/occupycentral