「香港良心」亞視經常傳出賣盤傳聞，惟老闆王征每次都否認，好似去年12月，港視嘅老闆王維基同王征密會2粒鐘，有傳係買起亞視借此進軍免費電視市場，當時亞視主要投資者王征同亞視執行董事雷競斌就主動約見傳媒兼否認話：「亞視賣盤不大可能，理由有三點，第一，黃炳均係唔會賣畀佢；第二係唔值得賣畀佢；第三係反對聲音好大。」
不過，噚晚TVB前主播李燦榮喺FB就無端端發文話:「可靠消息: ATV 已經賣左，等緊審批。」大批網友留言，李燦榮再爆多啲話:「呢個人姓名有木，但唔係我。」有木可以係「楊」，可以係「林」，又可以係姓「李」，立即就有網民猜測姓氏有木嘅英皇集團主席「楊」受成，不過英皇方面呢，就已經否認咗喇。但就算冇咗楊受成，都仲有排估喎！
至於亞洲亞洲賣盤一事，我哋都有向亞洲亞洲高層葉家寶查詢，佢話：「未聞此事。」
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral