人稱「沈大師」嘅沈振盈果然係轉緊運嘅明燈，聞說佢有好路數，好有可能做埋呢個月就同訊匯講拜拜。至於佢去邊度呢？正所謂瘦田無人耕，耕開有人爭，更何況沈大師並非瘦田一塊，聽講正有兩間本地證券行向沈大師招手，其中一間係新華匯富。
沈大師𠵱家係訊匯證券行政總裁，佢1999年底加入呢間證券行，前前後後做咗14年左右，中間離開過一年，去咗英皇證券，2009年又回巢返去訊匯至今。
佢突然咁有市場，獲兩間證券行招手，可能因為滬通港十月開車，有證券行想搵個知名嘅股評人去坐鎮，吸引內地投資者幫襯開戶口。另一個原因，就係近年有好多中資證券行想買本港券商，或者有證券行想省靚招牌，等第日賣盤時都可以開個靚價喇。
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral