方嘉柏不愧為急先鋒，上季贏冠軍啲馬用得咁盡，今季仲可以一開鑼就贏到今日冇斷纜。第三場「星運俊爵」配柏寶採用最煞食之放鳶戰略，結果順利由頭帶到尾，五倍W無驚無險話贏就贏；跑第二係大熱門仁濟主席蘇陳偉香女兒蘇凱欣的「超凡夢想」，後駒孭133磅沿途咬住前駒，追足一條直路都追唔到，輸都無可厚非。
呢場賽事延遲咗開跑，事緣小方徒弟湯智傑之「玖合壹」閘內發老脾坐低咗，仲踢親埋隔籬檔位之「翡翠寶寶」，擾攘一輪兩駒都要退出，買少見少得番九隻馬跑，搞到「星運俊爵」由七倍跌到五倍，足足少咗廿蚊W。柏寶連續兩次日賽贏馬，今勻仲捧走埋仁濟盃，可謂錦上添花。
「星運俊爵」馬主游紹賢熱愛賽車，參加過唔少比賽，贏過亞洲GT賽等多項冠軍，賽後他與靚靚老婆拉頭馬。游紹賢說：「『星運俊爵』利跑新鮮，今次季內初出充滿新鮮感，馬兒早前試閘走勢理想，因此方嘉柏對我表示愛駒有一定機會，贏出是個驚喜。此馬已7歲了，希望牠保持進度，再有好成績。」
方嘉柏說：「『星運俊爵』上季刻意減分，今季屆反彈之時，加上休後威力最大，重戴眼罩亦有助，我很高興為這位忠實馬主建功。」
值得一提「星運俊爵」喺禮拜三晚(24日)四班泥地千二米都係正選，今場贏完依例加七磅，變成136磅超出上限，故肯定會退出。
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral