【本報訊】罷課？上課？學生抉擇。恒生管理學院通識教育系講師黃沐恩指，通識老師最怕學生無立場、不表態。他指學界罷課對學生是很貼身的決定，參加與否都要思考背後理據。他作為教師亦不怕表態，聲援學生罷課，「你罷課，我補課。罷10天，補10天。」
指學生應該有立場
黃沐恩在恒管教三年通識，他指學生受中學通識答題影響，習慣無立場、無態度，「佢哋好慣於嗰種答題技巧，正方三個points、反方三個points，講完。唔好亂咁take side（有立場）。考試係咁，諗嘢都係咁」。他指大學第一課就反駁這種思考方式是精神分裂，因為人不會沒有立場，用一大堆理由掩飾立場是非常可悲。
黃沐恩坦言多數學生就如一般市民不習慣表態。他指在成熟民主體系，公民討論問題複雜，例如美國討論醫療制度，正反方有很多理由考慮，但香港已踏入黑白分明的表態年代，「香港討論質素越嚟越低，迫使黑同白之間灰色地帶越來越少，人大政改決定咁做（落閘），逼到冇中間地帶，你逼到建制派都冇中間地帶，學生有乜辦法唔take side？」
罷課議題切身，令學生思考自身應否參加。黃沐恩指恒管出席率制度極嚴，一旦出席率未達八成便不能考試。他決定透過補課協助學生，「一個社會要年輕人承擔犧牲已經講唔過去，作為成年人見到佢咁做，至少減輕一啲佢嘅付出，讓佢秉承諗法做佢覺得正確嘅事」。
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral