有課，梗罷，罷住先，因為：
一，今日唔罷，將來難保學校門口都會「人大落閘」，只有曾經舉報過，立了功的自己友可以低門檻進出。
二，學校淪為舉報中心，除非你的志願是做接線生，否則，冇理由勉強自己「轉型」。
三，因為內地法律奇才提醒，你開始覺得校長形跡可疑，以他的年紀，極有可能當年做過紅衛兵。巧驚驚。
四，雖然你唔相信曾鈺成的弟弟是曾德成，更加唔相信曾德成當年被學校舉報在校內派發反港英政府的傳單，而鋃鐺入獄。既然曾氏兄弟是人辦，你開始改觀，覺得這個成哥，都幾型。咁諗，何罪之有？
五，參加罷課就是黑社會？中意逆向思考的你猛問，如果罷課，這個月慳番幾千元學費，捐去畀泛民議員，ICAC會不會拉人去飲咖啡？筆錢算不算黑錢？咁，自己是否國家級直轄城市黑客？
六，罷課之前，你阿嬤已經罷睇CCTVB和香港良心好耐，你媽罷買×實樓，你爸罷炒愛國股，你姐罷交富二代男友。你罷課熄燈慳番冷氣，最環保。咁都算違法？唔通中電告你咩！
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral