跑完頭六場，三大高手雷神、潘頓、韋達仲隱緊形，未喺凱旋門出現過。卒之由雷神率先作出突破，第七場二班1200米佢騎蔡廐「追風駿足」後發先至，1.8倍大熱門順利掄元，四歲馬上季至今四戰未逢敵手，全是田草千二米，跑第二係潘頓「天時駿駒」，第三則係韋達「英勇大師」，三大高手包辦262蚊三重彩得啖笑！
今場雷神藝高人膽大，「追風駿足」直路大塞車，去到拉士百幾米，仲喺內欄未望空到，當時「追風駿足」畀潘頓之「天時駿駒」閂住去路，形勢不妙，不過最終都畀雷神等到有位出，只需三兩個箭步「追風駿足」已經殺出重圍，由落後幾個馬位，變成收韁過終點反先個半身位，造1分8秒68，還快過級際賽1200米標準時間，認真誇張，堪稱新一代短途巨星，稍後勢必向級際賽進軍。
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral