【專訪】
太古（019）旗下子公司太古資源，過往以代理經營運動服裝、鞋類產品為主。幾年前開始力拓Afforable Luxury（輕奢侈）品牌，引入英倫碎花品牌Cath Kidston及來自法國的Repetto，未來冀向運動及輕奢侈兩大方向發展。
記者：郭曉琳
太古資源過往經銷及代理的品牌以運動及鞋類品牌為主，如：Arena、Speedo及UGG等，「呢啲可以話係公司嘅根。」公司品牌董事聶美芯表示，公司四年前留意到市場的變化，「發現輕奢侈嘅品牌都開始抬頭，就搵下機會發展。」所謂輕奢侈品牌，意即人人均可負擔。以公司於2012年中引入的Cath Kidston為例，平均單價約600元。「兩個品牌嘅引入見證住公司慢慢轉型。未來希望搵到更多On trend（流行）又長線發展嘅品牌去做。」
然而，引入一個新品牌的過程漫長。聶美芯指，公司留意到不少女生會特地拜託朋友從英國購入Cath Kidston的貨品，相信市場有需求。「我哋係全球頭三個拎到獨家代理嘅公司，中間傾咗一年先拎到香港同澳門個代理權。」她續指出，連同約半年的訂貨周期，由與英國總公司展開商談至正式營運，費時大約一年半至兩年時間，「一般做一個新品牌都要咁上下嘅時間。」
20至45歲OL受落
Cath Kidston產品以碎花、田園風格聞名，她指公司原本預期品牌對年輕女生較為吸引，其後卻發現核心消費層為20至45歲的OL。「媽媽呢群客人都好重要，任何年齡都係。佢哋買畀囡囡嘅同時，自己都會揀啲經典嘅碎花系列。」於有出售小童及嬰兒產品的舖頭，該部份產品佔營業額約一至兩成。
引入品牌近兩年，分店數目增至7間，包括4間專門店以及3個專櫃。「比原本預期開4至5間多咗，算係超額完成。」當中入店顧客消費比率以銅鑼灣希慎店最高達逾10%，「商場嘅人流強勁，開舖會以商場為主。」公司將在年底於尖沙嘴Sogo增設專櫃，以及澳門開設第一間分店。「未來想喺新界西北同港島區再開。」
惟聶美芯坦言，香港零售市道難以預測，開舖較以往審慎。整體而言，今年品牌的銷售增長約逾10%，「唔會期望以後可以20%咁升。」她指生意正溫和放緩下，控制成本是一大挑戰，「租金比兩年前都升咗六、七成，有啲情況人力同租金成本加埋佔一半，而家已經係一個警戒線。」她認為集中做好產出力高的舖頭，是業界努力的方向。
【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral