霆鋒舊愛盧巧音與老公的樂隊Kolor昨日在柴灣出席慈善音樂會，問盧巧音會否戥鋒菲復合高興？她說：「開心就得，唔畀太多意見，係兩口子嘅事，佢哋開心，朋友就開心。」有否想過二人復合？她說：「地球係圓，係緣份，唔驚訝。」她覺得兩人合襯，不太了解性格是否夾，未有睇密會片，是否覺得王菲是霆鋒一生最愛？她說：「要問番佢。」
JM：愛冇分年齡
昨日在米蘭睇Roberto Cavalli騷的緋聞女友Janice Man（JM）謂如果是真，會衷心祝福，沒有過問霆鋒拍拖事，問鋒菲年齡差距及分手11年復合？JM說：「愛冇分年齡，睇個性，信緣份，冇人知聽日發生乜嘢事，要珍惜。」可否覺二人會結婚？JM說：「愛情只有佢哋先知，開心就得，結婚why not？冇嘢係絕對，結婚都會離婚，兩個人開心就得。」前晚JM出席Replay派對時則謂震撼，似浪漫愛情電影，祝福一生一世。
謝婷婷男友戴尚安昨日在君悅酒店擔任晚會司儀，謂婷婷在意大利睇騷，自己與霆鋒見過幾次，問可知鋒菲分手11年復合？他謂沒有意見，但感驚訝。
採訪：王連連、卓寶花、梁錦雯（米蘭）
攝影：陳慧安