荷甲周日上演大戰，由衞冕的阿積士作客宿敵飛燕諾。雖然阿積士（圖）今役未能「夫添」，但飛燕諾今屆實力削弱之餘，近況亦麻麻，今仗仍要讓平/半，當取阿積士下盤。（球賽編號：星期日17；now671台今日8:30pm直播）
衞冕的阿積士今屆演出不算有霸氣，在主力如施安迪莊等離隊下，阿積士既失落了荷超盃，今屆5場聯賽只得3勝2負，今役更有攻擊中場舒奧尼因傷缺陣，似乎難以看好。不過，阿積士有前鋒米利克腳風頗順，而且又剛於歐聯半爆冷逼和強隊巴黎聖日耳門，士氣不俗，加上主力如中場卡拉臣等都可以候命，阿積士實力仍強。
飛燕諾今屆演出就更加跌watt，在教練朗奴高文、射手加斯安奴柏利、中後場真馬特、迪維積及馬田斯恩迪等離隊後，球隊實力明顯削弱，難怪近7仗僅1勝。因此，就算今役盤口開得甚「鬼」，竟然是飛燕諾讓平/半，都寧取下盤。文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive