【本報訊】別再問作家陳慧佔中有沒有用，她會不耐煩，拂袖而去，「唔係有冇用，係一定有effect（影響）」。背負「佔中十子」之名，她說這一年多，香港經歷了一場公民教育，由80萬人公投，到5.11人預演佔中，「我哋唔需要英雄，個人最重要」。人大落閘，學生罷課，這名演藝學院影電視學院講師反問：「點解唔支持？」
支持罷課，陳慧擲地有聲，「呢班年輕人，我哋話畀佢哋聽，你哋係未來主人翁，呢度有法治、開明政制，到2017年可以普選特首。但到有一日，佢哋發覺唔係，佢哋fight back（還擊），點解唔支持？」罷課不罷學，溫和到不得了，「唔通等佢哋做更激嘅嘢，我先支持？」她說學生罷課，就是有話要說，「咁咪聽吓佢哋講乜囉」。
過去一年變天 恍如隔世
陳慧昨出席港台電視31節目《華人作家》首映，六七暴動一幕，她印象最深，那是她成長的年代。她說過去一年香港變天，恍如隔世，「呢一年無論你幾置身事外，都有嘢搞㷫你」。新近「辣㷫」港人的，是基本法委員會副主任梁愛詩稱只需接受香港為中國「直轄市」，便可降低特首提名門檻，「唔係偷換概念，係偷換香港」。
陳慧說有生以來最「曳」一次，是忘記交稅，那時她身處機場，準備到外國公幹，「離遠見到機場特警都驚佢拉我，提心吊膽」。去年4月，她宣告參與佔中，原認為是一場可以談判、對話的社會運動，惟一年下來，冷水不斷照頭淋，「我喺好多人心目中已經『膠咗』，有啲朋友都話『你仲信呀？』」
陳慧從來不認為佔中要有英雄，也不會去完「飲宴」之後，一覺醒來便世界大不同。她說佔中是一場公民教育，近月經歷80萬人公投、7.2預演佔中，明天大專院校發起罷課，她看見港大和中大醫學院的聲明，「嘩！我直情覺得正啊，邊個話讀理科唔識中文，寫嘢唔好」。在字裏行間，她看見了出路，「幸好有啲人令我有希望」。她說「飲宴」完畢，就會功成身退。
節目《華人作家》走訪11位著名華人作家的故事，包括張愛玲、小思、陸離等，首兩集主角是今年香港書展年度作家董啟章，於10月5日晚上8時在港台電視31播出。