鋒菲復合，轟動全城，圈中人紛紛送上祝福，大讚合襯，並拭目以待這段情最終能否開花結果。
吳君如：
好想睇復合嘅相，唔怪得霆鋒唔覆我電話，我之後去北京會順便探佢哋。
唐寧：
當然係開心事，恭喜佢哋，拍拖最緊要佢哋覺得開心，希望可以開花結果。
方力申：
如果係真都好Sweet，好替佢哋開心。
鄭融：
好戥佢哋開心，感情好珍貴值得祝福，長唔長久最緊要，但佢哋好襯，走埋一齊好正常。
洪卓立：
恭喜佢哋，真係相愛先會再一齊，結婚就諗得太遠喎！
袁潔儀：
祝佢哋有情人終成眷屬，希望佢哋為愛走埋一齊，亦考慮下一代。
汪明荃：
大家都係單身，唔係冇可能發生，姊弟戀接受到就得。