【本報訊】拉近貧富距離，有人相信食物銀行，有人相信平等分享，羅偉鴻呢？就相信緩慢卻又關卡重重的香港教育。
「畀錢怕一擁而上」
自小成績好卻又鬼主意多多，中學時代的Freddy，是老師眼中又愛又恨的學生，試過鼓勵同學將「違禁手機」貼上壁報板掩老師耳目，又試過在Google總部將用作員工福利的免費香蕉派通街，與滿街的印度街童平等分享。
「在印度，滿街都係貧童，每次上班落班，只要車一停，佢哋就會敲車門，問你攞錢。嗰時，我心裏面好矛盾，如果畀，怕佢哋一擁而上，我一個人在外，又真係冇咁多錢派，有次喺公司閒逛，隨手有好多免費食物，特別係香蕉，我就諗，點解我唔將呢啲食物分配出去？」由天上人間的「矽谷」人，到創辦跨文化社企，其實早有迹可尋。