還未到時候去飲，但有人已經自隊，有酒（還是最hot的蘇格蘭威士忌），梗飲大佢啦！飲大名單唔使黑客公佈，下列人士是最劣酒辦：
李圖章，飲了幾杯後，索性叫香港人學西藏人自焚，挑機說「唔敢？即係得個講字，唔係真犧牲！」說好了他會私人贊助，而且保證自焚所用的絕對不是本港出口的黑心豬油。
白頭C姑吹完波仔，證實飲大了貪湯用來招待國內高幹的神級茅台，所以上晒頭大爆內幕：「香港早就不存在一國兩制，而只是中國一個直轄城市。2017，市民一人一票，選出一個真黨員，再唔使俾人抽秤。中國共產黨真偉大！林×強冇呃你！」
送完外賣的地溝融，開口一腔宿醉溝宿便的濁臭，咆哮：「打爆我條line那些衰神，記住，我一定會報仇！2017，等我升呢，做維穩局阿頭那個時候，抄你全家富貴！」
裝醉先的曾主席，發功說要先投票再辭職。這樣的主席，飲殺蟲水都唔使洗胃。人心難測，你懂的。