錄得7億元盈利嘅TVB，早幾日裁員50人，八方聽聞嚟緊仲會炒人。TVB職員協會計劃今個月25號發起黑衣行動，呼籲所有員工當日穿上黑衣，「哀悼」被炒同事，宣示悲憤，同時向公司表達不滿，要求停止進一步裁員行動。當日下午6點，工會會喺TVB大閘入口舉行默哀儀式，宣讀抗議聲明。
TVB喺有盈利之下仲要裁員，八方都替一班員工唔值，捱生捱死一句裁員就要講bye bye，成個兒童組12名員工，幾乎全部都冇得留低。就算今次留得低，下次又唔知幾時輪到自己。八方聽聞TVB下一步可能向收費電視開刀，總之𠵱家內部人心惶惶，士氣低落，TV Buddy都無言以對啦。