【壹週刊】有人話，人多是非多。其實，人紅是非更加多。「我諗我哋喺心理上已經有咁嘅準備。」
主音Rocky因為《好聲音》，喺大陸載譽歸來，令更多人認識Killersoap。人紅自然多人想睇，可惜因為Rocky喺科大o camp band show一次無奈嘅失場，成為眾失之的。「我地喺好耐好耐之前，應承咗會出科大一場騷，就係果一日真係唔返得黎，喺最冇辦法嘅情況之下，用咗最急最盡所能嘅方法去解決呢件事。」冇咗主音嘅Killersoap，最終請咗另一位歌手李拾壹做crossover。
因為錄影《好聲音》而失場，有人公開批評，Rocky寧要中國放棄香港。錯要認，打就要企定，利用自己專業一面去面對負評。「其實當日現場氣氛幾好，我哋仲寫咗首歌講呢件事。基本上，大家都盡全力，同Rocky喺度冇分別，觀眾反應都好好！」
Killersoap面對不一樣嘅2014，要學習面對是非，學習成為焦點，當然，都唔可以忘記自己嘅音樂路向。「想簡單一啲，可能題材有人會覺得較老土，但唔想寫啲三個月後就冇人記得嘅野。」
iPhone版下載： http://goo.gl/1SDaWF
Android版下載： http://goo.gl/xfQS8D