人望高處、水向低流，加入建制派何止有前途，直情有錢途㖭啦！之前喺黃大仙做民政事務專員嘅蕭偉全，舊年11月底離開政府後終於有着落，就係加入香港義工聯盟做總幹事。
不過睇真啲呢個組織，原來有狼英、西環阿頭張曉明、人大常委范徐麗泰同埋立法會主席曾鈺成照住，連監事長都由政協常委陳永棋做，原來又係西環搞嚟做統戰嘅陣地。
其實蕭偉全唔算出名，為乜八方留意佢？事關舊年7月底，佢大哥離開政府前幾個月，就曾經因為懷疑同下屬爭執，有人將紙磋成波掟向對方，搞到要報警處理同向上級報告，都可謂AO界嘅經典！𠵱家愛國陣營搵到呢個「悍將」搞統戰，八方除咗恭喜都諗唔到講乜好！