現時用於競賽的灰馬，年輕時不少是深灰色，到了踏入老年才「白雪雪」，如「加州萬里」便如此；就像人類年紀大了才出現白頭髮一樣，但高伯新馬房有匹今季才進口的從未上陣4歲新西蘭自購新馬「東韻威威」，卻全身非常雪白，十分可愛，猶如白馬王子般，有點似當年備受愛戴之「及時而出」。不過「東韻威威」的戰鬥力如何仍須觀察，蓋其同父馬「大寶藏」亦是「白雪雪」，但在港兩季跑了多仗，只贏過一場。
講到現役名氣大嘅灰馬，除了「加州萬里」及將會喺周日上陣嘅「連利多」之外，苗廐「和順超影」亦不能不提，佢係去年澳洲1600米一級賽考菲爾德堅尼亞軍，評94分係上季來港插班評分最高嘅自購馬，今個月6號在港試閘後上強勁奪冠，與「左右逢源」、「連利多」構成灰馬三重彩，正備戰得如火如荼，相信稍後一定會以一系列四歲馬大賽為目標。