名模Mandy Lieu、富豪集團太子女羅寶文與劉心悠等，昨日於上環出席富薈上環酒店及富薈炮台山酒店的揭幕禮。上月被爆跟已婚的太陽娛樂老闆周焯華（洗米華）密會的Mandy，高調發聲明承認兩人發展中，並暗示不清楚對方婚姻狀況。有傳因自爆戀情被洗米華狠飛，但之後Mandy又再跟洗米華到紐約公幹，二人的關係撲朔迷離，事件發生後Mandy首度現身解話，昨日她一身黑色透視La Perla內衣配短褲，似乎對被問及這段三角關係有備而來，並將二人的「發展中」變回朋友關係。
拒回應買豪宅
Mandy承認從紐約回港，無論被問到跟洗米華的關係，或是否正如之前聲名中二人是發展中，她只是說：「係朋友關係。」問到她對方有太太，繼續保持朋友關係會否尷尬？她說：「係朋友關係，唔會諗太多。」再被問到以9千多萬買豪宅，Mandy即落閘說：「呢方面唔想回應，希望大家focus喺我工作上。」
提到Mandy舊愛陳柏霖跟房祖名是好朋友，怕不怕柏霖受祖名吸毒一事牽連？Mandy說：「做朋友唔講背景，我相信佢𠵱然關心同擔心。」而台灣有報道指柯震東本月1日赴台北地檢署驗髮驗尿後，其實已悄悄轉入東南科技大學假日進修部，就讀資訊管理科。
此外，Mandy被指做小三，但亦無損客戶心目中的女神形象，羅寶文力撐說：「我都有留意新聞，但佢一向處理事態度認真、好正面，我會繼續支持佢，嚟緊酒店有啲遊戲我都會搵佢。每人都會有經過，公眾人物唔係百分百正面，好多時可以轉危為機，我覺得佢好專業。」
採訪：林嘉慈
攝影：沈健程
