禮拜日(21日)十場田草賽事用B加2跑道，估計又會係內檔馬天下，睇番上季10月27日首次田草B加2欄十場賽事，當中九場有一至三檔馬上名，而且一至三檔馬總共贏了四場。全日十場頭馬中，不論係放頭之「無敵王者」及「華麗登場」，守包廂位之「大運財」，抑或居中後上之「赤龍駒」、「戰利品」、「海嵐一號」及「得盛」，都係沿途貼欄或沿二叠推進，走內叠先至有運行，外叠轉彎好蝕底。
今戰列陣馬中，第八場「得盛」三次角逐田草B加2欄均非冠即亞，而且都係排內檔所得，今次又抽得三檔好位，應可穩佔三甲一席。另外，第九場「錦繡河山」兩戰此欄位未失Q，換上韋達兼排得黃金一檔，賺形勢下有力重開勝門。