誠「i風」之強烈媲美周初一度攻破李氏力場之海鷗，主因為國內堵塞「i風」之牆實為堅厚，烈風久久不散而集結於本港。港人撳得一iPhone6或6 Plus如中六合彩，放上臉書大肆宣揚者比比皆是。然有旅經狹地之國內同胞曰「我可以晚一點才買」，令計劃囤貨居奇善價而沽者，黯然神傷。
講笑啫，直捲全球的新「i風」，又點會話走就走？走訪旺角街頭，有內地客話唔急買，亦有內地客話有買的打算，「(炒價)兩萬蚊貴咗少少，應該一萬五左右啦，不過唔會買金色，因為我哋唔係富豪」。
除炒賣之外，有市民「抽」iPhone 打算自用，惟網頁易開，選取鍵難撳，李先生表示「打風嗰日，撳咗成朝都撳唔到，本身用csl.，諗住跟台出機，無話抵唔抵，現時出去買都只可以用炒價買，同跟台(付更高月費)差唔多。」
上緊蘋果日報網站或者App的大家，又抽唔抽到機？有冇畀人cut單？知唔知邊間回收價最高？最重要係，聽日又有得撳iPhone6，你會繼續撳，還是輕嘆這些機會不是我的.jpg？
歌莉