特區落閘派食了黑心豬油，喪爆幫英出聲，李校長穿了一條蘇格蘭裙揶揄說：「就算西藏有人自焚，也改變不了中央，何況你們只是公投？你們這班蘇佬既然反英國，唔中意保守黨和工黨，想搞革命，唔該唔好喺愛丁堡搞，你去深圳、北京啦！」
反佔中令溝融上晒腦，建議卡梅倫成立告密熱線：「阻止學生做蘇格蘭紅衛兵！任何舉報，都有回報，熱線免費送出薄餅！」
左佬學校前校長幫腔：「蘇格蘭容許十六歲未成年人參加蘇獨公投，等同黑社會、香港六七暴動翻版！蘇格蘭隨時遍地菠蘿，同胞勿近！」
范徐差點在人大會堂外跣腳，自此自比特區戴卓爾夫人，她補充：「點解好端端有英國佬唔做，要做分離份子恐怖主義的奴才！搵十六歲學生做先鋒，搞公投這班人，叫價太高，要付出代價！」
白頭詩姑一錘定音：「蘇格蘭只是英國直轄城市！」
陳左耳割了菩薩盲腸後出聲：「英國行霹靂手段，蘇格蘭必然車毀人亡！」