【本報訊】大專生罷課一周行動臨近，理大學生會昨在校園內辦政改師生大會，席間多名同學表明政改已到「危急存亡之秋」，即使罷課可能影響學分甚至畢業進修，仍然在所不惜，「罷課係我哋表態嘅最好機會，否則更多人嘅沉默只會換來更大嘅壓迫」。
昨約有廿名師生出席集會，分享對罷課看法(圖)。有同學指罷課一周可能要在之後花多一倍時間補課追回進度，但今次政改不得不發聲，因為罷課是每個大學生都可以做到的事，「爭取民主要靠每一個人自己行出嚟」。應用社會科學系專任導師梁志遠指，每個人都有追求「小確幸」的權利，但不能忘記這些個人權利永遠都建基一個公平民主的制度之上，「我哋搞民主運動唔係要推翻政府，係保障追求小確幸嘅機會，大家試想像活喺一個冇得上facebook嘅國度，係一個點樣嘅世界？」