【本報訊】女義工替友人照顧兩歲兒子時，將男童下體猶如拉橡筋般拉長至10厘米，更用手指彈至滲血，被裁定非禮罪成。女義工不服上訴，指「拉、彈、掂」男童下體不存「鹹濕」意圖，只屬玩耍及嚇唬男童別再扭計。
非禮罪成判囚上訴
高院法官湯寶臣反問：「如果有男士搣女童外陰或指插私處警告女童唔好再曳，咁係咪都算嚇吓佢？」上訴方即時語塞，其後坦認「可能性非常之低」。
46歲上訴人黃佩玲，去年被裁定兩項非禮罪成，判囚四月。上訴方力陳控方未能排除上訴人有「玩」及「嚇」男童的意圖，故定罪不穩妥。湯官反舉上述例子之餘，更提出：「咁對小朋友已經好怪，對女童就唔得，但對男童就得？男人搣男童下體可唔可以算玩？」
上訴方認為，成年男女觸碰女童私處可屬非禮，惟成人觸碰男童下體則未必是非禮；又指事發時被告協助男童小便，因男童事後拒穿褲子，被告遂嚇唬兼輕「掂」其下體一至兩秒，難以相信被告有「鹹濕」意圖。法官押後至10月3日宣判。
案件編號：HCMA754/13