喺facebook不斷抹黑泛民同學生的John Brothers，日前被全面踢爆揑造公民黨英語小組的會議內容，抹黑竟然變成自己出醜，噚日佢竟然又喺facebook上載三條會議錄音，話畀大家「聽真啲，信與不信，自己判斷」，八方即管奉陪，聽晒三段錄音，結果反過來證實呢位告密者真係生安白造。
被抹黑嘅港大學生會長梁麗幗喺會議上，話唔少非本地生較本地學生關注罷課所為何事。學民思潮周庭就話，一旦政改方案被否決，中央政府會把責任卸落泛民身上，「袋住先」只會令香港變得更差，兩人說話全被扭曲。查實呢位爆料者係咪唔識聽英文，只係負責影相、錄音同作文？咁都賺到維穩費，真係不可思議。