瑞士球壇無厘頭趣聞一浪接一浪，繼日前爆出有低組別球隊嘅女按摩師，幫球員「打手槍」呢單怪事後，最近一場低組別聯賽，有球迷竟喺比賽期間惡作劇，屙尿落去敵軍門將放喺龍門隔籬嘅水樽，受害門將聲稱要告到對方甩褲。
呢場由FC穆里對FC巴登嘅丁組比賽，FC巴登嘅球迷趁FC穆里門將費達專注緊比賽，竟然叫球僮偷偷將費達嘅水樽攞過嚟，然後屙尿落水樽入面，放返原位。費達梗係察覺唔到喇，結果真係中招，佢自己解釋時，就話飲頭一啖已經覺得唔多妥，點解暖暖地嘅，但仲以為係喺太陽下曬到變味，之後再試吓，先發覺真係尿，仲聽到對方球迷狂笑，話飲完小心染愛滋。費達梗係嬲到震，要告到FC巴登球迷甩褲，而對方球會主席知道後亦即刻耍冧，但我求大俠相信費達唔會就此罷休囉！
識睇，一定係睇足英台【英波Live】：
http://soccer.appledaily.com
http://bit.ly/engballlive