無綫裁員行動勢如破竹，由兒童組到收費台，昨日有消息指《東張西望》會裁去一半人手，藝員又怎能倖免。近日有報道指無綫想盡辦法減省藝人的騷錢，在下月12日播出最後一集《Sunday扮嘢王》，一眾出席扮嘢的藝人當日是「零人工」。
不過，本報收到消息，其實今年6月該節目還未開始錄影，製作單位召集所有演出的藝人開會，在會上高層事先聲明今個節目是必計騷錢，有幕後工作人員爆料說：「我哋開會嗰時，都仲未講話cut budget，但嗰時都話未必有騷㗎！當時全世界都喺到，祖藍（王祖男）家燕姐（薛家燕）喺到，話佢個製作係咁，未必有騷，我哋盡量爭取，或者如果冇騷，話會有贊助送畀你。」
由《扮嘢王》第一集開始參與演出的王維德被問到最後一集可能不會有騷錢，他昨說：「我𠵱家未知做唔做，30號錄影我應該喺上海拍劇，所以我未知，暫時未清楚。如果真係冇騷錢嘅話，我做得咁多集，如果有需要，我都會做埋嗰集囉！」
范振鋒愕然
至於以參賽者形式參與最後一集演出的范振鋒聞說冇騷錢，反應愕然，他昨說：「佢哋冇同我講冇騷錢喎！應該有啩！冇咁大鑊，我去了解吓先，幫補吓都好吖！不過喺呢個電視台工作都知，都唔係為錢。」
另外，昨日有消息指《東張西望》是下一個被宰割的部門，人手將會減去一半，記者致電監製張嘉玲求證，她禮貌地拒絕回應有關的事，只是拋下一句：「呢一個係大圍嘅事，唔該晒！」便匆匆掛線。
採訪：非非
